بعد خمس سنين أو عشر سنين إنت مين عرفت تجاوب ؟؟
تعال أقولك إنت مين أو أساعدك تعرف إنت مين ؟؟
أولا : لازم تعرف إنت عايز إيه يعنى أنا عايز أكون رجل أعمال مثلا أو عايز أكون مدير مبيعات ناجح أو أى حاجه إنت عايزها
ثانيا: أعرف أنا فين دلوقتى من اللى انا عاوزه .
ثالثا : أعرف إزاى هوصل بأى طريق
رابعا: أكتب أنا هاوصل فى قد إيه وقت و دا مهم جدا الكتابه
تعال ناخد مثال
عايز أكون مدير مبيعات منطقة ناجح طيب أنا دلوقتى شغال إيه مندوب مبيعات مثلا و لا مشرف
علشان أكون مدير مبيعات منطقة مثلا محتاج أعرف الوصف الوظيفى و إيه متطلبات الوظيفة و إيه اللى عندى موجود زى عندى مهارات البيع بس ناقص القياده أو ناقص اللغه أو ناقص أتعلم مهارات الإدارة
و بعد كده أكتب اللى ناقصنى و أبتدى أدور هاتعلمه منين و مين هيدربنى و هياخد كام وقت و أكتب الكلام دا برضه
و بعد كده أدى نفسى مده زمنية أتعلم فيها و أكون بتعلم من مديرى أزاى ابقى كده
و أكتب خارطة الطريق لدا و اعلقها فى مكان أكون هاشوفو كل يوم علشان أفتكر انا عاوز إيه
و بعد ما أوصل للمهارات و التعليم اللى أنا عاوزه أبتدى أكتب سيرة ذاتيه محترمة و هنتعلم بعدين إزاى تكتبها بإحتراف و أقدمها فى كل الأماكن المتاح فيه الوظيفة المطلوبة
مثال
أنا مدير مبيعات إن شاء الله فى شهر يوليو
خلال شهرين ( أبريل - مايو ) هتعلم لغة تانية
خلال 3 شهور ( أبريل - مايو - يونيو ) هاكون وصلت لكل المهارات المطلوبة
و انا مدير مبيعات منطقة فى يوليو إن شاء الله
و انا مدير مبيعات منطقة فى يوليو إن شاء الله
يعنى بعد خمس سنين أنا مدير مبيعات الشرق الأوسط و بكده إنت عرفت إنت مين خلال خمس سنين
خليك متابع المدونة و إنت تعرف إنت مين
مرسلة بواسطة Emam Diab @ أبريل 03, 2019
0 تعليقات
0 تعليقات:
إرسال تعليق
يسعدنا تعليقك و سيتم الرد على ماتريد فى أقرب وقت
الاشتراك في تعليقات الرسالة [Atom]
<< الصفحة الرئيسية