بتضحك على نفسك

حاجه غريبة شوية أكاذيب بتقولها لنفسك و بتعطل نفسك بنفسك .............. يعنى إيه

من أكثر الأكاذيب إنتشار هى 

1- مش هقدر أحقق الهدف أنا مش قادر الموضوع صعب كله دا كلام بتقوله لنفسك و توقف نفسك مع العلم أن الناجح فقط اللى عنده ثقة بالنفس حتى لو فشل زى بالظبط لما حد يكون بيلعب رفع أثقال و يكون هدفه من التمرين 10 عدات و يجى حد جنبه و هو بيتمرن يقوله ياه دا انت تعبان قوى فيبتدى يعد 4 عدات مثلا و يوقف فى حين أنه عنده المقدرة على 10 عدات و أكثر 

2- أن لا عندى مهارة و لا فلوس و لا موهبه و دا عايز كله دا و دى أسباب بنقولها لنفسنا علشان نوجد لنفنسنا مبرر لعدم التحرك نحو الهدف 

3- مش وقته ( كتير مننا بيقول لنفسه دا مش الوقت المناسب و يبدأ يسوف يعنى يقول هاعمل كده لما الوقت يبقى مناسب يعنى ايه اتحرك انت علشان الوقت يبقى مناسب 

4-أنا معملتش دا قبل كده و معنديش الخبرة (  طيب هو اللى عنده الخبرة اتولد عنده الخبرة لا هو اتعلم و احتك و فشل و نجح فى النهاية )

5- هاعمل دا بعدين كل ما تتشجع توقف نفسك و تقول بعدين 

6-أنا مش عايز أتعب نفسى و دا أكبر مبرر للكسل ما انت لازم تتعب علشان تنجح 

7 - مستعجل على النتايج بدون تحرك عايز تشوف النجاح بسرعه دون التحرك و انت واقف مكانك و فى الآخر تقول لنفسك أنا مش مهتم 

النهاية أوعى تقول الكلام دا لنفسك فيبتدى يوقفك محدش هيدفعك للأمام إلا نفسك أ

ولا متستناش حد يساعدك إلا لما تساعد نفسك