من بكرة الصبح

من بكرة الصبح إن شاء الله من اول الشهر كلنا قلنا لنفسنا الجملة دى كتير لما تكون عايز تعمل حاجه و بعد كده يجى الصبح و يجى أول الشهر و مافيش حاجه إتعملت لأنه ببساطة كل اللى عندى رغبات بتروح مع الوقت و لكن لو فى خطه مش هتروح
 ...........آه يبقى تعال نشوف هنعمل إيه لازم نخطط صح
طيب تعال أقولك مثال : أنا شاب و مخخط أنى أتعلم تسويق و أشتغل فى التسويق و أنا نازل من البيت رايح أحجز أول كورس تسويق قابلت واحد صاحبى قال لى رايح فين قلتله رايح احجز كورس التسويق راح قال لى تسويق ايه ياعم اليومين دول علشان تشتغل تدرس موارد بشرية تعال معايا نحجز كورس الموارد البشرية و سيبك من التسويق و احنا مع بعض فروحت معاه
إيه اللى حصل ................
صاحبك غير تفكيرك و خطتك علشان كده مش هتوصل ............طيب إيه الحل ........؟؟؟ 
الحل فى التخطيط .......... يعنى إيه يعنى يكون هندك هدف و دا نقطة النهاية و تبتدى تضع خطة الوصول للهدف و تضع نقطة البداية و دا ببساطة التخطيط و علشان دا يحصل لازم يبقى فى دافع و رغبه .... زى إيه ... رغبه فى النجاح و رغبه فى الشهره مثلا
و لكن ناقص حاجه 😕 ناقص الإراده و العزم و دا لازم يبقى متوفر علشان تعدى الموانع و الصعوبات زى ما تقول عزم العربية شديد انت لازم تبقى كده
و علشان التخطيط ينجح لازم وضع خطة ذكيه و ناجحه SMART
S Specific و معناها محدد أى تحديد الهدف
M  Measurable   و معناها قابلة للقياس
A  Achievable      و معناها قابلة للتحقيق
T  Timing             و معناها محددة الوقت
كل دا كويس أعمل إيه ............. زى ماقلنا قبل كده خليك مع الصفوة و خطط و أكتب تعال ناخد مثال
إيه الهدف : يبقى عندى جسم رياضى و قوى ..... كده عندى هدف و لازم يبقى عندى المعرفة و هيه هالعب مثلا ألعاب قوى و لا سويدى و لا كمال أجسام و بعد كده ........ أبتدى أعرف كل حاجه عن اللعبة مثلا احتياجات التدريب و الوصول للهدف خلال كام من الوقت و ايه المطلوب للبدء فى التدريب و هل محتاج أشترى أدوات و لا أشترك فى مكان ( جيمانزيوم ) و هل هاعمل دايت و بعد كده ......... تختار نوع البرنامج التدريبى و دا من المعرفة و القراءة أو سؤال مختص و أعرف مقياسى دلوقت ( الوزن - الدهون - ...) و هنا يجى العزم و هيه بداية التدريب بعد وضع الهدف و اللى ممكن يكون خلال 6 شهور و ابتدى اقيس مدى التقدم شهر بشهر و دا هيبقى أكبر حافز للإستمرار ................. و المقاله اللى جايه هنتكلم عن ازاى تتغلب على معوقات التخطيط الناجح