حكاية التدخين

النهاردة هندردش شوية عن موانع النجاح و البيئات المحيطة السلبية و اللى ممكن تخليك تفقد عزيمتك و إرادتك

حكاية اليوم
انا كنت مدخن بشراسة و كانت ناس كتيير بتنصحنى أبطل سجاير و كنت بعاند لحد ما من سنه قررت أبطل تدخين و كنت بدخن لأكثر من 20 سنه و فعلا صحيت الصبح قررت أبطل سجاير نهائيا و كان السبب مش الصحة و اللى كل يوم المدخنيين بيسمعوا أضرارها و برضه بيدخنوا و لا علشان الفلوس و لكن لوجه الله تعالى ......إزاى
سمعت حكاية عن مركز كفى فى السعودية و اللى بيحارب التدخين أن أحد الشباب قرر يبطل و راح لمركز كفى و هناك قابل مسؤول الإستقبال و قال له إنت جاى علشان تبطل تدخين ليه رد الشاب و قال له علشان الصحة و الفلوس فرد عليه المسؤول طيب ما تعقد النية تسيبها لوجه الله دا فى حديث عن رسول الله صل الله عليه و سلم قال ( إنك لا تدع شيئا لله عز و جل إلا بدلك الله به ما هوخير لك منه ) صدق رسول الله  و فعلا الشاب بطل تدخين لوجه الله فمات و هو ساجد
و دا كان أكبر دافع و توكلت على الله و دى أول نقطة فى موانع النجاح و هى أنك تقدر تتوكل على الله
و لكن ............. كان فى صعوبات و هى و اللى انا مش عارف سببها حتى الآن 😒و هى أن كل متقابل حد بيدخن و تقوله أنا بطلت يقولك لا هى أسبوعين و لا شهر بالكتير و هترجع ..؟؟؟؟؟؟ و دى أكبر صعوبة تواجهك فى حياتك و هيه البيئة السلبية المحيطة و دى أغلبية فقررت اواجهم و أتحداهم انا الآن و إن شاء الله مستقبلا أحتفل بإنتصارى عليهم و لدرجة أنا أحد الأشخاص اللى كان كل ما يقابلنى يقولى هترجع تانى النهاردة الحمد لله بطل تدخين و قال لى معاك حق

توكل + عزيمة + تحدى + إرادة قوية= إنتصار و نجاح

توكلنا على الله