خطط لحياتك ( مافيش اهم منك )

اتكلمنا فى مقالة سابقة عن خطة السبعه 7 Plan وقلنا أن الحياة مبنية على سبعة أعمده لازم تخططلهم لشان حياتك تكتمل و هم تانى
1- الجانب الروحى  ( دا مدى قربك من الله و أسأل نفسى بأصلى صح و علاقتى بربنا شكلها إيه و ممكن تتحسن لو فى جوانب قصور )
2- الجانب الشخصى ( طورت نفسك فى أى شىء و اتعلمت حاجه جديدةو لا لسه )
3- الجانب المهنى  ( طورت نفسك فى شغلك و لا لسه عايز تتعلم إيه علشان تتطور )
4- الجانب المادى ( راضى عن دخلك و لا فكرت تزوده بطرق أخرى )
5- الجانب الصحى ( بتشرب ماء كفايه - بتابع بكشف دورى على نفسك - بطلت سجاير )
6- الجانب الرياضى ( بتلعب رياضة و لا لسه بتسوف )
7- الجانب الإجتماعى ( علاقتك بأهلك و بأولادك و بأصحابك )

طيب هاعمل إيه ؟؟ ؟؟؟؟
هتعمل جدول و تكتب فى أول خانه الجانب المادى على سبيل المثال و هتكتب فى الخانه الثانية أنت عايز تعمل إيه الأول يعنى مثال هازود دخلى بمشروع تجارى و الخانه التالية درجة الأهمية يعنى دا (عالى الأهمية - مهم ) و بعد كده تاريخ البدء و بعد كده تاريخ النهاية و آخر خانه ما تم تحقيقه و دا يعنى ........

إنك حددت هدفك و كتبته و كتبت مده زمنيه من البداية للنهاية و خلال هذه المده لو فى تعديل على خطتك ممكن تعدل و تطبع الورقة بتاعت الخطه و تعلقها فى مكان واضح علشان يبقى دائما أهدافك واضحه قدامك