المبادرة و المتابعه

أول جوانب المقابلات الشخصية اللى بيبتدى يتسأل عليه من الحاضر اللى بيقابلك هيه المبادرة و المتابعه و بتكون الأسئلة كالتالى
1- ما هى أصعب عقبة قابلتك فى ( العمل - المدرسة - حياتك ) أو اى مجال و كيف إستطعت التصرف فيها ؟
هو هنا عايز يعرف انك قادر على المبادرة دون ان يطلب منك و قادر على المواجهة ووضع خطط للحل فتبدى تكون إجابتك كان عندى مشكلة ..... و فكرت فى عدد من الحلول ....... واختارت الحل الأمثل ......و بدأت أحل و كانت النتيجة .......
2- ما الذى تفعله خارج أوقات الدراسة أو العمل ؟
هو عايز يعرف أكبر قدر من المعلومات عنك و طريقة تفكيرك
3- ما هو اهم إنجازاتك فى المدرسة أو فى العمل ؟
هو عايز يعرف أنت عامل إنجازات فى حياتك و تقدر تعرف أيه معن الإنجاز و لا لا
4- وقت وضعت لنفسك هدف صعب و قدرت تحققه ؟
هو عايز يعرف أنك يتقدر تحط أهداف لنفسك و لا لا و دا يرجعنا لمقال التخطيط و هل انت بتخطط لنفسك و تكتب و لا لا
5- متى أكثر وقت بذلت فيه مجهود لتحقيق غايه معينه ؟
هو عايز يعر فأنت بتشتغل فى أصعب الظروف و عندك قدرة على دا و لا لا
6- ادينى مثال على وقت قدرت توازن فيه بنجاح بين أكثر من أولويه ؟
هو هنا عايز يعرف تقدر تقوم بأكثر من عمل فى وقت واحد .
7- ادينى مثال عن شىء أبتدأته لأول مرة و لم يكن موجود من قبل ؟
هو عايز يعرف أنت بتقبل التغيير و لا لا

انت لازم تجيب ورقة و قلم و تكتب الإجابات بتاعتك طبقا لحياتك و تراجعها و بكده تبقى عديت القسم الأول