ماتسمعش لحد

لو سمعت كلام الناس اللى حواليك طبعا الناس السالبة عمرك ما هتنجح لأنى الناس دى دايما مش عايزينك تنجح و بالتالى دايما بيشدوك للفشل ..........بمعنى

أنك دايما تسمع منهم ... يا عم ريح دماغك هى كده كده يبقى الوضع كده مش هيتغير
إنت تاعب نفسك على الفاضى
ريح نفسك
كبر دماغك
يعنى إنت هتعرف تغير اللى غيرك قى سنين معرفش يغيره

طبعا دى بعض الجمل اللى ممكن تسمعها من الفئة دى من الناس و اللى ممكن تكون من أقرب الناس ليك و دا يخلى الدافع و الحافز للنجاح مش موجود و بالتالى يبقى الوضع على ما هو عليه و لا يوجد تغيير بسبب شوية كلام

إيه الحل .......................

طبعا فى حل ... إنت مش هتعرف تبعد عن الناس المقربين ليك لكن تقدر تسمع كلامهم من هنا و تطلعه من هنا و تمشى و را هدفك و تحط النجاح قدام عنيك يعنى يقولك ريح دماغك قوله دا مش صح لأن لو ريحنا دماغنا هنعمل إمتى وهنتعلم إمتى و ننجح إمتى

أسألهم دايما سؤال : لو معملناش كده هنعمل إيه     دايما أسأل هنعمل إيه ؟؟؟ و خليه يديك الحل هتلاقى معندوش حل لأن دايما تفكيره سالب

خليك إنت المؤثر و صاحب الإيجابية