إنت مستعد لإتمام الصفقة ؟؟

حد مقرب لى سألنى إيه الإرتباط بين السعاده و النجاح و المبيعات ؟؟؟؟

فالرد بسيط هو إتمام الصفقة بيسبب النجاح و النجاح بيسبب السعاده 

يعنى ................. إيه ؟؟؟؟

لما رجل المبيعات فى الشركة أو المحل أو اى مكان بيتم الصفقة مع العميل بيبقى أخد خطوة فى إتجاه تحقيق الهدف و الهدف دا هو اللى هيرجع عليه بالدخل و الدخل دا من أسباب السعاده لأنه مش بس بيلبى رغباتك و إحتياجك إنما كمان بيحسسك بالنجاح اللى دا من أهم أسباب السعاده و دامش بينطبق على رجال المبيعات فقط لا إنما على الحياة عامة فأى حد يقدر يتم أى صفقة و صفقة دا إسم عام أى يتم أى أمر هو عايزه أو بيسعى وراؤه فبيصبح سعيد مثال هتشترى العربية اللى نفسك فيها . هتتعين فى الوظيفة اللى عايزها و دى أمثلة و فى كتيير فى الحياه 

الخلاصة : إنت تقدر تتم الصفقة و أو الأمر اللى عايزه هتبقى سعيد 😂

طيب علشان كده ..................... لازم تبقى مستعد علشان تتم الصفقة 

لو بتعمل مقابلة فى وظيفة معينه لازم تبقى مستوفى شروطها 

لو رايح تتجوز لازم تبقى عريس أو عروسة مناسبة 

لو بتفتح مشروع جديد لازم يبقى عندك مبادىء التجارة و الفلوس اللازمة 

يبقى ببساطة انت هنا بتتعلم إزاى تبقى جاهز .

تعال أقولك على طريقة تزود مبيعاتك على النت

البيع 

ليس كما يقول الجميع أنه موهبه لأنه بدون علم البيع لا تتم المبيعات بالشكل الصحيح و لا يحدث النمو فى المبيعات الممكن قياسه لذلك
البيع علم تصقله الموهبه

تعال نتكلم عن اول كورس مهارات البيع المحترف

1- الفرق بين البيع و الشرح

الشرح : هو نقل معلومات جامده فقط

البيع : هو ربط المنطق و الحقائق و الأرقام و الرأى الشخصى بإحتيجات الطرف الآخر لإقناعه و التأثير عليه ( للموافقة على إقتراحك )

أى حاج فى الدنيا بتتبنى تتبنى على أساس و البيع كده علشان إيه هيه 

أساسيات البيع و هى فى نفس الوقت الأهداف البيعية لرجل المبيعات

1- التغطية : 

الوصول لأكبر عدد ممكن من المنافذ البيعية بجميع أنواعهم فى كل المناطق و تغطيتهم بانتظام
( يعنى تعدى عليهم باستمرار و إنتظام و هيه دى التغطيه ) زى مانقول شبكة الموبايل بتغطى المنطقة كلها يعنى بتوصل لكل الناس

2- التوزيع : 

و هو توافر كل الأصناف معاك لبيعها

3- الترويج :

 عرض المنتجات بشكل جذاب على الرف ( لأن زى المثل ما بيقول العين بتشترى الأول )
مثال لو أنا روحت محل أشترى منتجات و لقيت منتج المفروض أنه معروض فى واجهة المحل مش موجود مش هشترى من المحل دا و هاروح محل تانى و بكده المحل خسر كل المشتريات بتاعتى بسبب        العرض

4- التسعير :

 تسعير المنتج بشكل واضح طبقا لسياسة الشركة  لأن المستهلك دايما أول مابيشوف المنتج بيقول بكام دا علشان كده انت بتبقى قطعت مشوار كبير لو السعر موجود للمستهلك

و دا كله فى الآخر يعملنا حجم المبيعات : تحقيق هدفنا
طيب السؤال أساسيات البيع تتعمل مع مندوبى الشركات فقط  أنا رأى لا لو فرضنا أنى فى واحدة بتعمل أكل فى البيت و تبيعه

 تعال نطبق أساسيات البيع

1- التغطية : هيه مش هتزور بس لازم يوصل إعلانها لكل الناس و تبقى هيه دى التغطية المطلوبة و علشان كده تنقى أحسن وسيلة لدا

2-التوزيع : لازم تبقى بتعمل كل أصناف الأكل إلا لو فى حاجه ناقصة هاشترى من غيرها

3- الترويج و هيه التصوير الصح لأكلاتها و عرضها فى الإعلان بطريقة صح

4- التسعير و دا مهم علشان اللى بيشترى يبقى عارف هيشترى إيه طبقا للميزانية بتاعته
               يبقى البيع علم لو إطبق صح هنوصل لحجم مبيعات صح الصح

و إستنونى فى بقية الكورس و ياريت نشترك و نعلق أحب أسمع منكم 

تعال نبدأ

علشان تترقى و علشان تنجح كرجل مبيعات

أولا : محتاج لغة ( إنجليزى طبعا ) طيب هاتتعلمها إزاى ؟؟؟؟؟

لازم فى الأول تنظم وقتك و أكيد فى وقت عندك ممكن يبقى فاضى تستقطعه للتعليم و مش بس كده و ماتملش و ماتقولش لا صعب مش هتعلم بالعكس هتيجى آخر الشهر هتلاقى نفسك مستواك اتحسن ساعتها هتحس إن اللى انت عملته صح 

طيب نعمل إيه ؟؟؟؟؟

فى مواقع كتير دلوقت ليه أبليكيشن على الموبايل نزل الأبليكيشن و إبدا إتعلم فى اى مكان و أى وقت 

طيب إيه اللغه 

إستماع و تحدث و قراءة و كتابة 

علشان كده نصيحتى ليك إبدأ من الإستماع لأن هو المفتاح بتاع باقى المهارات 

طيب إيه أسماء المواقع اللى ليها أبليكيشن

من play store هتحمل busuu أو z American English  و مواقع تانيه كتير 

يلا ماتكسلش و إبدأ من دلوقت 

ثانيا: محتاج تتعلم صح 

يعنى إيه ؟؟؟؟

تتعلم يعنى إيه بيع أنا لاحظت كل الكورسات على الإنترنت كلام أكاديميى لا تعال نتكلم لغه واحده لغة مبيعات الواقع و دى البداية 

ليــــــــــــــــــــــــــــــــــه 

علشان لما تتعلم صح تشتغل صح فتبقى فى فرص للترقية و لما تترقى تعلم مرؤوسيك صح و تبقوا كلكم بتتكلموا لغة واحدة و اللى هتتعلمه هنا من أرض الواقع من قلب الشغلانه فتابع المدونة و هنبدأ بكورسات لكل المستويات ( مندوب - مشرف - مدير ) و بعد كده متاح تسأل عن أى مشكلة تقابلك و تلاقى الرد عليها فورا 

تعال أقولك إنت مش عارف تبدأ منين ما إحنا إتفقنا هنساعد بعض يلا بينا ؟

لو أنت مش عارف تبدأ منين..............
أو محتار و عندك كذا إتجاه ..........

تعال فضفض هنا و هتلاقى المساعده على طول

إزاى  ؟؟؟؟؟؟؟؟؟؟

فى واحد عايز يترقى و مش عارف يبدأ منين المشوار و فى واحد عايز يفتح مشروع و برضه مش عارف يبدأ إزاى و يسأل مين و فى واحد عايز يتعلم و مش لاقى حد يعلمه و فى حد عنده معلومات كتير لكن مش مترتبه و فى واحد عنده مشاكل كتير فى شغله و مش عارف يحلها او يطلع منها و متأخر بسببها و فى واحد المشروع جاهز بس خايف يبدأ و فى حد فشل و مش عايز يحاول تانى  .

أكتب اللى أنت عايزه فى تعليق و لو حاجه على الخاص ممكن نتواصل برضه لكن متستناش إبدأ

يلا إبدأ ....................... و انا مستنيك 

أنت مين بعد خمس سنين و أنت مين بعد عشر سنين ؟؟؟

     السؤال  دا كتير مننا بيتسألو فى المقابلات الشخصية للتعيين و لكن محدش فكر يسألوا لنفسه علشان يخطط لمستقبله مش علشان يجاوب بس يعنى نجد أقل نسبة فى العالم هم من يخططون لحياتهم و يكتبون ما خططوا و هم أغنى الناس و يأتى بعدهم من يخطط و لا يكتب و أخيرا يأتى من لا يخطط و لا يكتب

إنت مين فيهم ؟؟؟؟

تعال النهارده أولا أساعدك إزاى تبقى بتخطط و تنجح .

إزاى ؟؟؟؟؟؟؟؟؟؟؟؟؟؟؟؟؟

إسأل نفسك إنت عايز إيه .... تترقى فى وظيفتك أو تعمل مشروعك الخاص أو الإثنين معا ؟؟؟

طيب أنا محتاج أترقى على سبيل المثال ...

عايز تبقى إيه   ........  و إنت محتاج تتعلم إيه ........ و لو مش عارف إسألنى و أنا أجاوبك 

الفكره هيه سلسلة تعليم رجال المبيعات ( مندوب - مشرف - مدير ) و أصحاب المشاريع الصغيرة و الرد على أى إستفسارات بخصوص شغلهم الحالى أو التقدم لشغل جديد أو فتح مشروع جديد و نشر الخبرات العمليه من واقع السوق الفعلى الآن ونشر الكورسات التعليمية المكتسبة من خبرات مديرين سابقين و دور تعليم و لكن فى إطار السوق الفعلى مع الأكاديمى و ليس كلام أكاديمى فقط

فى إنتظار أسئلتكم للوصول إلى نقطة البدايه و التى نبدأ منها مع الإحتفاظ بالرد على الأسئلة الخاصة و العامه و المساعده فى عملكم بكل الإمكانيات
مســــــــــــــتنيكم 

و ما توفيقى إلا بالله

السعاده😂

التوفيق من الله  

 تأتى السعاده  من الرضا أولا  أنظر إلى ما عندك من نعم و أشكر الله عليها قبل أن تنظر إلى ما عندك من هموم فهذا يمنح السعاده و هذه المقولة علميا تعنى أنظر إلى نقاط قوتك أولا قبل نقاط ضعفك و أعمل على تقوية نقاط ضعفك علشان توصل للسعاده بما حققته من إنجاز
 تأتى السعاده من القرب من الله فمراعاة الله و الخوف منه فى كل أعمالك يجعلك دائما على الطريق الصحيح و بالتالى يحدث التوفيق مثال
المشاريع التجارية تبدأبالفكرة  ثم دراسة الجدوى ثم توفير المال ثم البدء فى العمل و تنتظر التوفيق من الله و هذا هو موضوعنا

أولا أحب أسأل سؤال لتعرف توفيق الله فى الحياة و مثال ذلك التجارة .
ما معنى كلمة تجارة
التجارة هى فلسفة و تعنى
التاء : توفيق من الله
الجيم : الجسارة و هى المغامرة
الألف : أمانه  ( و هى عمود الخيمة التى تقف عليه التجارة )
الراء : روية ( عدم التسرع فى اتخاذ القرار )
الهاء ( هبه من الله )

و الملاحظ هنا أن كلمة التجارة بدأت ب التوفيق من الله و انتهت بالهبه من الله و هذا يعنى أن القرب من الله و مراقبة الله هى سر تحقيق الأمانى و سر تحقيق السعاده
و من هنا نبدأ بسم الله
سلسلة تعلم كل ما تحتاجه عن التجارة و المبيعات و التسويق طبقا للواقع العملى مع الشرح الأكاديمى و ليس الأكاديمى فقط و ذلك من حكم الخبرة فى هذا المجال لأكثر من 25 عام 

هل السعاده فى المال أم الأولاد أم الزوجه أم ماذا ؟؟؟؟؟؟؟ و ماهى راحة البال ؟ و ما هو البال

السعــــــــــــــاده 😂

سنتطرق اليوم لمعنى السعاده و التى تختلف من إنسان لآخر و كلا يرجع السعاده لمنظوره الشخصى فانسان يعتبر الساعده فى المال و آخر يعتبر السعاده فى الأولاد و هكذا فمثلا ينظر أفلاطون إلى السعادة على أنّها عبارة عن فضائل الأخلاق والنفس؛ كالحكمة والشجاعة والعدالة والعفة، كما أضاف أفلاطون بأن سعادة الفرد لا تكتمل إلا بمآل روحه إلى العالم الآخر. عرّف أرسطو السعادة على أنّها هبة من الله وقسمها إلى خمسة أبعاد، وهي: الصحة البدنية، والحصول على الثروة وحسن تدبيرها واستثمارها، وتحقيق الأهداف والنجاحات العملية، وسلامة العقل والعقيدة، والسمعة الحسنة والسيرة الطيبة بين الناسس.و لكن الإمام الغزالى وجد السعاده فى القرب من الله و لذلك أرجو منكم المشاركة فى معرفة معنى السعاده الحقيقى بمشاركتكم بآرائكم ؟؟؟

و لكن يبقى السؤال ما هى راحة البال و ماهو البال ؟

ما هو البال ؟ 🤔

كثيرا ما نسمع طوّل بالك ودير بالك وخلّي بالك وراحة البال والله يصلح بالك ... فما هو البال وهل الكلمة عامية أم فصحى

ما هو البال ؟ 🤔

سُئل رجل ذات مرة ؟

لو كانت هناك أمنية واحدة تُلبى لك الآن ماذا ستتمنى ؟!!

فقال : راحة البال 

اليوم وكأنني للمرة الأولى أقرؤها في كتاب الله :

"وأصلح بالهم "

توقفت ملياً عند هذه الآية ..

كلمة (بال) فصيحة وكنت أظنها عاميّة ،

أصلح الله بالكم، دعاء جميل جداً في الآية لم نكن نفطن له .

والبال هو موضع الفكر ، والفكر موضعه العقل والقلب . 

فأنت حين تقول : أصلح الله بالك ، أي أصلح الله خاطرك ، وتفكيرك ، وقلبك ، وعقلك .