حسن السوق و لا حسن البضاعة

المثل دا بنسمعه كتيير فى شغل المبيعات و دا بيتقال لما ممكن يبقى فى بضاعة سوقها ماشى بس جودتها مش عالية أو العكس بضاعة جودتها عالية بس مافيش سوق و طبعا هى فى الآخر أرزاق و لكن هناك مسألة مهمه جدا و هى علشان نوصل لهذه المقولة لازم نبقى شوفنا كل أسباب سواء النجاح او الفشل بمعنى 
1-بضاعة سوقها قوى جدا هل نكتفى بطلب المستهلك العالى فقط و لا لازم نطور المنتج و ندرس أسباب النجاح و نتلافى كل أسباب التى تؤدى إلى قلة الطلب فى المستقبل 
2- بضاعة سوقها ضعيف جدا و ممكن تكون جودتها عاليه و هنا لازم ندرس أسباب قلة الطلب من المستهلك و العمل على هذه الأسباب 

يعنى لازم يبقى فى دراسة قوية لكل الأسباب على سبيل المثال هو عدم معرفة المستهلك بالمنتج أو تعود المستهلك على منتج معين و لا يريد تغييره أو شكل العبوة أو أسباب كثيرة جدا 
لذلك الحل قبل الوصول للمقولة فى الأعلى هو دراسة السوق عن طريق أبحاث التسويق قبل الحكم على المنتجات 

مكسب كبير و لا سرعة دروان بتزود الربح ؟

من الأسباب الرئيسية للربح من بيع المنتجات و اللى لازم يبقى عارفه كل بياع شاطر هو قيمة منتجه فى السوق و تصنيفه 

يعنى إيه الكلام دا ؟؟؟؟؟؟؟

المنتج بتاعى ليه منافسه فى السوق طيب هل هو رقم واحد فى السوق و مطلوب و لا تصنيفه إيه و بناءا عليه هيتحدد طلب الزبون عليه فلو على سبيل المثال أنا ببيع منتج رقم واحد فى السوق فدا عليه طلب كبير و بالتالى أنا المتحكم فى الكمية اللى هتتباع للتاجر و هيبقى كل هدفى زيادة المبيعات عند التجار وكمان لأنه رقم واحدفأكيد سرعة دورانه عاليه 

و هنا السؤال هى إيه سرعة الدوران 

سرعة الدوران هى عدد وحدات المنتج اللى بتتباع من على الرف فمثلا لو بعت من المحل 1000 كرتونة كل كرتونة بتكسب 10 جنيه يعنى ربح الكراتين 10000 جنيه و لكن منتج تانى مكسب كرتونته 50 جنيه يعنى أضعاف الصنف الأول و لكن بيبيع 100 كرتونة فقط يبقى مكسبه 5000 جنيه 

المهم هو سرعة طلب المنتج و اللى بيتحدد عليها سرعة الدوران 

و المقال القادم هنتكلم عن اللى لازم تعمله لو أنك رقم واحد فى المنافسه ( المنافسه )

خليك بياع شاطر

البيع علم مش موهبة و دا معناه إنك لو عندك العلم فأنت بياع و لكن لو معاك الموهبة كمان فأنت بياع شاطر بس إزاى تعال نتكلم النهاردة عن الشطارة 

علشان تبقى شاطر لازم يبقى عندك 3 أساسيات مهمه و هى 

المعرفة - المهارة - السلوك 

1- المعرفة :- تبقى عارف كل حاجه عن منتجك - شركتك - المنافسة - الأسعار - الجودة - أهدافك - رؤيتك - عملائك 

2- المهارة :- و بعيد عن الكلام العلمى عندك حضور يعنى إنت مقبول عند العملاء و دا ممكن يتحقق لما إنت تكون عارف العملاء بتاعهم و سلوكهم و مزاجهم يعنى مثال إنت عارف العميل بيحب مين من فرق كرة القدم و هو بيحب كرة القدم  و لا لا و تعرف إيه اللى بيحبه و إيه اللى بيكرهه و تبقى عارف كمان إمتى تتكلم و إمتى لا فى المواضيع الهامه ( الذكاء الإجتماعى ) و غمتى تطلب و إمتى لا 

3- السلوك : و دى هى أخلاقياتك مع الناس و حكم الناس عليك و دا لازم تبقى صادق و محترم لأنك بتحترم كل الناس و بالتالى الناس بتحترمك و أسلوب حديثك المهذب مع الناس