إزاى تعمل خط سير للعملاء

خط السير من أهم أدوات رجال المبيعات و التى يتحدد من خلاله عدد العملاء و حجم العملاء و الوقت المستغرق فى العمل و بالتالى ففوائد خط السير فى المبيعات هو تقسيم الهدف بالتساوى و السرعة فى التحقيق و توفير أوجه الرقابة فى العمل و لكن يأتى السؤال كيف يتم عمل خط سير محترف 

أولا : يجب مسح المناطق التى سيتم عمل خط سير لها و هذا يتم بالمرور بشوارع هذه المنطقة على شكل مربعات مغلقه حتى لا يتم فقدان أحد العملاء فى الشوارع الجانبيه 
ثانيا :- عمل قاعدة بيانات بكل العملاء و كتابة بياناتهم كالتالى إسم العميل - العنوان - إسم المسؤول - تليفون العميل - تليفون المسؤول - ميعاد تواجد المسؤول - ميعاد فتح المحل - و تصنيف العميل 
ثالثا : يجب إحتواء خط السير على عدد من العملاء يتراوح من 15 إلى 40 عميل حسب الصناعه 
رابعا : فى نوعيين من خطوط السير إما عمل خط سير طبقا لأقرب عميل ثم الأبعد أو طبقا لحجم العملاء فيتم البدء بالأكبر حتى الوصول للأصغر 
خامسا : تصنيف العملاء طبقا لحجم العميل حتى يسهل معه تقسيم الأهداف الشهرية 
سادسا : إمكانية إضافة عملاء جدد تفتح جديد فى المنطقة 
سابعا : بعض العملاء يجب المرور عليه مرتان او ثلاث فيراعى هذا فى خط السير الأسبوعى 
ثامنا : يجب ان تكون مواعيد الزيارة متقاربة لسرعة سد النفاذات من البضائع مثال السبت و الإثنين و الأربعاء 
تاسعا : كتابة إسمك و إسم شركتك و تليفونك و يتك لصقها عن العملاء لسرعة الإتصال بالمندوب فى حالة طلب البضاعه 

كيف تحقق التارجت

التارجت : مدى نجاح رجل المبيعات يتوقف على تحقيق الهدف ( target )  و هو غالبا يكون شهرى وفى حالة تحقيقه من مسؤول المبيعات سواء مدير أو مشرف أو مندوب سيأخذ عمولات و مكافات و ترقيه

لتحقيق التارجت : يجب وضع خطة مبيعات مسبقة بأهداف محددة و تواجد كل آليات و أدوات البيع من دعاية و تسويق و منتج منافس و حجم السوق و العملاء و هكذا ..

شروط وضع التارجت 

1- محدد
أى يتم وضع هدف برقم معين أو عدد منتجات معين

2-يمكن قياسه 

أى محدد بمبلغ معين أو عدد مثل 450 تليفون

3- محدد بفترة زمنية 
أى يتم بيع كمية معينه خلال شهر أو أسبوع و هكذا

4-متفق عليه 
مع إدارة المبيعات و مع مديرك و زملاؤك

5- واقعى 
أى لا يتم وضع أرقام مستحيلة التحقيق

تقسيم التارجت 

يتم تقسيم التارجت أما

1- التقسيم حسب عدد الأيام بمعنى لو ان التارجت على سبيل المثال هو 500 تليفون محمول يتم التقسيم على 25 يوم عمل اى 20 تليفون يومى
2- التقسيم حسب المناطق الجغرافية و مراعاة عدد العملاء بكل منطقة
3- التقسيم حسب حجم العملاء فى كل منطقة و قدرتهم الشرائية
4- التقسيم على حسب خبرات مندوبى البيع و قوتهم مع العملاء

أسباب إستغناء شركتك عنك

يجب عليك تجنب الأسباب التى تدفع شركتك للإستغناء عنك فمن المفترض انك تحافظ على وظيفتك و هى لقمة عيشك كما تكلمنا سابقا و من الممكن أن يكون الإستغناء عنك من النعم بسبب أن الوظيفة الحالية لم تكن مناسبة لك وأن يوفقك الله للوصول إلى وظيفة أفضل أو عمل تجارى مناسب و قد تكون أفضل لمعرفة أوجه النقص عندك و معالجتها بسرعه و لكن على كل حال يجب الإحتفاظ بلقمة العيش و تجنب الأسباب التاليه :-

1- سلوكك الشخصى :- 

فمن الممكن أنك تفقد مهارات الإتصال وليس لديك المعرفة الكافيه و التعلم الكافي فى كيفية التعامل و التواصل مع زملاءك فى العمل بفاعلية وبالتالى يجد زملاؤك و مديرينك صعوبة فى التعامل معك مما يؤدى إلى عدم وصول أفكارك لزملاؤك او قدرتهم على توصيل أفكارهم إليك و هذه من أهم المهارات التى يبحث عنها أصحاب العمل .

2- ساعات العمل :- 

عدم الإلتزام بساعات العمل او الإلتزام عامه فى العمل يعتبر من أهم أوجه التقصير و التى تؤثر على التقييم الخاص بك و بالتالى يعتبره صاحب العمل من أسباب عدم الإنتاجية و التأثير على فريق العمل فى الإنتاجية 

3- عدم الإلتزام بسياسة الشركة :-

من أهم الأمور الملزمة للفرد فى أى شركة هو الإلتزام بالسياسة و التى تحقق النجاح للفرد و المؤسسة معا و لكن عدم الإلتزام يؤدى إلى القصور و بالتالى الفشل و لكن فى حالة توجب ضرورة تغيير ما فى ساسة الشركة يكون عن طريق الإجتماعات الدورية و الإقتراحات بالتغيير للأحسن 

4- الإهمال :- 

الإهمال فى أى شىء يؤدى إلى فشله سواء فى حياتك فى مستقبلك و خاصة فى عملك لنه هو الأساس فى حياتك و مستقبلك و بالتالى يجب التعود على النظام فى كل شىء و خاصة عملك فعمل الشىء دون الإهتمام بجودته هو من أسباب الإهمال فى العمل التى تؤدى إلى طردك من العمل 

5- إستغلال ممتلكات الشركة لحسابك : 

إستغلال ممتلكات الغير و التى أنت من المفروض أنك أمين عليها  فهذا من المحرمات شرعا وبالإضافة إلى ذلك فهو يؤدى إلى إهدار أموال الشركة و خاصة إن كانت الشركة ذات موارد محدودة 

أصل ومعلش ( أسباب الفشل فى المبيعات و الحياة عامة )

من خبرتى فى مجال العمل فى المبيعات لسنين طويلة وجدت أنه من أقوى أسباب الفشل فى وظيفة المبيعات و الفشل فى الحياه عامة هو تواجد كلمتين ( أصل و معلش ) و هى عبارة عن شماعات يتم تعليق الأخطاء او الفشل عليها و ربما فى بعض الأحيان يقوم بعض الأشخاص بإلقاء اللوم على بوجود أسباب للفشل هذه حقيقة و لكن نسمع هذه الكلمات فى كثير من أسباب التقصير انا أتكلم هنا عن التقصير فى العمل و لذلك لتجنب هذا فى المبيعات يجب عمل التالى

1- العمل بجد و بصدق و حب العمل الذى تقوم به و خاصة وظيفة المبيعات

2- تعلم تحليل المبيعات أو التحليل فى كل أمور حياتك حتى تصل للأسباب الحقيقية https://sa3adatk.blogspot.com/2019/04/blog-post_8.html

3- معرفة مكان المشكلة و الخلل و معرفة كل جوانبه

4- وضع كل الحلول الممكنة لحل المشكلة بطريقة منطقية

5- يجب أن تكون الحلول محددة و قابلة للقياس

6- إختيار الحل الأمثل و تجربته

و بالتالى بعد عمل هذه الخطوات ستجد نفسك لا تقول كلمتين أصل و معلش لأنك عملت كل مافى وسعك للحل و إذا لم تجده تقوم بالعرض على المستوى الأعلى منك فى وظيفتك أما فى حياتك فالعرض على أصحاب الخبرة فى الحياة

حافظ على وظيفتك

نظرا للتقدم فى العمر و النمو السريع و الغير مسبوق فى عالم التكنولوجيا أصبح من الصعب الإحتفاظ بوظيفتك أى ان كانت فى القطاع العام او القطاع الخاص و

 نبدأ بالقطاع العام و الذى ظن البعض لفترة من الزمن أنه من الثبات بحيث لا يطرأ أى تغيير على الوظيفة حتى لو تم الإهمال فى العمل و لكن فجأة حدث التغيير و نأخذ مثال لهذا التغيير و هو بعد ان كان القطاع العام يعمل بنظام الدفاتر و الوراق و الأرشيف تم إستحداث قواعد البيانات على الكمبيوتر و أنظمة الكمبيوتر و التى تحتاج من الفرد تعلم أساسيات و مهارات الكمبيوتر و هنا حدث ما لم يكن متوقع فتم إستبعاد الأفراد التى لا تقدر على التعلم ( اللى مش عايز يتعلم ) و أصبح تراكم العمل أكثر بسبب التأخير فى إنجاز مهام العمل بسبب عدم المهارة 

القطاع الخاص :فهذا حدث و لا حرج حيث النمو و التطوير فى التعلم أصبح سريعا ومن الأساسيات الفاعلة و لذلك من لا يطور نفسه دائما تنتهى وظيفته و التى هى مصدر ( أكل عيشه ) 

بعض النقاط التى تساعدك فى الإحتفاظ بوظيفتك لأطول فترة ممكنه 

1- التطوير النفسى من حيث التعلم و مواكبة كل ماهو جديد فى مجالك الوظيفى حتى تصل لمراحل الإبتكار و التجديد و بالتالى النمو بشركتك و التى هى مصدر دخلك 

2-بناء علاقات عمل جيده مع زملائك و مديرينك فى العمل و بإيجابية مما يكسبك الإحترام بين زملائك بحيث تصبح قائد لفريق عمل يمكن الإعتماد عليه 

3-إحدث فرقا فى مجال وظيفتك و ذلك بالمبادرة بالإشتراك فى تنفيذ الأعمال و التى من الممكن قياسها و قياس مدى إنتاجيتك و التى تعود بالنفع التام للمؤسسة 

4-أعمال إضافية أو العمل بساعات إضافية تكون ذات نتائج إيجابية لك و لمؤسستك 

5- دائما خذ على عاتقك التحدى و خاصة تحدى نفسك فى إنجاز المهام التى تحتاج إلى مجهود عالى فالتحدى الدائم يساعد على التعلم و يولد الإنجازات 

6- أنت صاحب التحفيز للجميع على تخطى العقبات و القدرة على حل المشكلات بأفكار خارج الصندوق 

7- الإبداع أو الإبتكار و هو من أهم الأشياء التى تؤدى إلى النمو و التطور السريع فى شتى مجالات الحياة 

( ببساطة اللى بيكسب صاحب الفكرة الجديده ) 

ليه مابتقدرش تحقق إنجاز فى حياتك

تتعدد أسباب عدم قدرة الفرد على عمل إنجازات فى حياته و ذلك لغياب بعض الأمور الهامه مثل
1- الهدف فلا يوجد هدف مكتوب أو غير مكتوب يتم الركض وراء تحقيقه و بالتالى ماذا ينجزلأن معنى كلمة إنجاز هى إنهاء عمل معين بدقة متناهية و طريقة مثلى
2- عدم وجود رؤية للمستقبل و أين يريد الذهاب و هى مرتبطة بالهدف و تحقيقه
3- عدم وجود إرادة على تحقيق أى شىء فى الحياة حتى لو أمور شخصية مثل الإقلاع عن التدخين و ممارسة الرياضة
4- عدم الحمد و الشكر لله على الوضع الحالى حتى يتم التوفيق فيما هو آت
5- التذمر الدائم من الوضع الحالى و الشكوى الدائمة
6- تقمص دور الضحية على طول الطريق و أنه هو ضحية من حوله و بالتالى يعلق كل إخفاقاته على غيره
7- عدم الثقة بالنفس
8- غياب التعليم الصحيح
9- غياب الصبر على التعلم و الدراسة الصحيحة
10- التأثر بالبيئة المحيطة السلبية

و كل هذه الأمور من الممكن حلها و عمل إنجاز بالتالى
1- البدء فى وضع الهدف و الرؤية المستقبلية
2- معرفة الطريق الصحيح للتعلم و الدراسة
3- البدء فى إنها الأمور التى تحتاج إلى الإرادة الشخصية لدعم ثقة بنفسك على الإنجاز
4-شكر الله الدائم و الرضا بالواقع
5- البعد التام عن التذمر و إلقاء اللوم على الآخرين و مواجهة النفس بالأخطاء لإصلاحها
6- التقرب من البيئات الإيجابية و التى تبث الطاقة الإيجابية فى الشخص و البعد عن البيئات السالبة
7- الصبر على إنجاز المهام حتى تصل للإنجاز المطلوب
8-تطوير النفس الدائم و الإنضباط 

إنت الشركة 3 ( مشروعك على الإنترنت )

تكملة المقاله الماضية و اللى بنتكلم فيها عن إزاى تبيع منتجاتك بإحتراف على الإنترنت مع معرفة علم المبيعات و كنا إتكلمنا عن إزاى تطبق علم المبيعات بعمل أساسيات البيع و هى
التغطية +التوزيع + الترويج + التسعير = حجم المبيعات
و جبت المنتج و عملت الصفحة على الإنترنت و جمعت الأصدقاء هبتدى أعرض المنتجات و هنا تبدأ اول بأول الخطوات التى يجب عملها بإحتراف حتى لا تصبح من ضمن الأخطاء و هى
1-تصوير المنتجات بإحترافية و دا ممكن بعمل خلفية بيضاء مثال ( ورق أبيض كبير ) ووضع المنتج عليها و تصويرها بكاميرا محترفة و بدقة عالية لإظهار كل جوانب المنتج لأن زى ما قلنا قبل كده العين بتشترى الأول

2- تشكيلة منتجات كبيرة لتناسب كل الأذواق و لو المنتج واحد فقط يبقى أحجام كتير
3- المنافسة - و دا لازم أحاول أوصل لكل الصفحات و الإكسسوارات المعروضة و سعرها كام علشان أعرف أعلم سعر تنافسى و بناءا على التكلفة
4- الدعاية - و دى من أهم العوامل التى يجب الإهتمام بها و و هى الإعلانات المدفوعة و النشرات الدورية
5- الهدايا - و دى ليها العامل الأكبر فى خلق سوق واسع الإنتشار و خلينا نبدأ من الإهتمام فى الهدايا بأكثر مستهلكين شراءا أى نظرية الإهتمام ب20 % من المستهلكين و اللى بيحققوا 80 % من الشراء
وكل دا يكتمل يأتى بعد كده مراحل تنظيم العمل من خلال بعض تنظيم أمورنتحدث عنها فى المقالة القادمة

إنت الشركة 2 ( مشروعك على الإنترنت )

أى حد عايز يشتغل فى المبيعات لازم يكون عنده  علم المبيعات و عنده خطة للبيع و كمان دراسة جدوى للمشروع يعنى إيه ....؟

تعال ناخد مثال : حلا هتبيع إكسسوار على الإنترنت طيب هيه محتاجه إيه محتاجه ؟

1- منتجات الإكسسوار و آخر صيحات فى موضة الإكسسوار بشرط تواجد تشكيل كامل من المنتجات    ( المنتج )

2-صفحة على مواقع التواصل الإجتماعى ( الفيس بوك )           ( مكان البيع  - المحل ) 

3- مجموعة من الأصدقاء و يدعون أيضا مجموعه أخرى و هكذا ( المستهلكين )

4- شركة شحن لتوصيل المبيعات ( الموزع )

يبقى هى كده جمعت المنتج + المحل +الموزع + المستهلك 

طيب هى محتاجه إيه كمان ؟؟؟

محتاجه تطبق مبادىء المبيعات و هى ( التغطية + التوزيع + الترويج + التسعير ) = حجم المبيعات

هتعمل تغطية بالوصول بكل معلومات منتجاتها لكل من هو موجود على صفحتها 

أما التوزيع من خلال محاولات البيع لكل الأصدقاء و لو منتج واحد من منتجاتها 

الترويج و دا من الأشياء المهمه و هو عمل إعلانات مدفوعة لجذب أكثر عدد من المستهلكين 

التسعير و دا أيضا مهم نظرا لأن الناس بتشتر ى أسرع فى حالة تواجد الأسعار على المنتجات 

و كل دا هيوصلها لحجم المبيعات المطلوب 

و لكن فى حاجات كمان لازم تاخد بالها منها و دى أيضا بتبقى من ضمن علم المبيعات و اللى هنكمله فى المقاله اللى جايه 

إنت الشركة

ظهرت فى هذه الأيام أهمية المبيعات نظرا للحالة الإقتصادية العامه و طلب الناس للحصول على دخل إضافى من أكثر من شىء سواء العمل لفترات إضافية ( شغل تانى ) أو استثمار جزء صغير من المال ( التجارة ) وكان هذا هو الجزء الغالب حيث يقوم الناس إما بفتح محلات للتجارة فى مختلف البضائع أو البيع عن طريق الإنترنت و لكن أكثر المبيعات تتم عن طريق الإنترنت لسهولة عمل صفحة مجانيه على أحد مواقع التواصل الإجتماعى و دعوة الأصدقاء للمشاركة و بالتالى كل واحد يدعو أصدقاؤه و يتم تكوين شبكة كبير ة يتم عرض المنتجات على هذه الصفحة مع ترك التليفون و يقوم بتوصيل المنتج عن طريق أحد الأشخاص فى منطقته أو شركات التوصيل كلا فى بلده وبذلك أصبح الشخص هو شركة بمفرده لنه من يقوم بالإنتاج و الترويج و التسعير و لذلك ظهرت أهمية المبيعات اكثر ليه..........
لأن المبيعات هى : خلق علاقة عمل صحية و مستمرة مع العملاء فى إطار الفائدة المشتركة و التى يمكن من خلالها زيادة المبيعات و تحقيق أساسيات البيع و كذلك تحقيق أهداف العملاء
يعنى إيه ........😕
يعنى بما أنك إنت الشركة سواء فى محلك أو بيتك يبقى لازم تتعلم صح أصول البيع و التسويق علشان مبيعاتك تزيد لأنه بسبب عدم العلم ناس كتير بتقع فى أخطاء بتضيع منها حجم مبيعات
على سبيل المثال : سيدة تبيع الأكل من البيت و لها خطة مأكولات يومية يتم بيعها و يتم بذل مجهود ضخم فيها و تحقق مبيعات يومية لكل منتجاتها و أرباحها فى النهاية لا تعادل هذا المجهود و ذلك بسبب عدم وجود رؤية مستقبلية للنمو
2- سيدة تعرض منتجات على صفحتها و لا تعرف معنى الترويج أو التسويق و لا متى تقوم به و ما هى النتائج المتوقعه لعمل الترويج
3- شخص يفتح محل و لا يستطيع إيجاد الطريقة المثلى أو الدعاية المناسبة لجذب المستهلكين
و لذلك يجب تعلم المبيعات عن طريق المقالات السابقة و المشاركة بالأسئلة المفتوحة و متابعة باقى سلسلة إنت الشركة

بلاش تطور نفسك

التطوير و خاصة تطوير النفس من أهم الأشياء فى الحياة لأن التطوير أو التنمية فى أى شىء هى السبيل الوحيد للوصول للهدف و النجاح و لكن فى ناس كتييييييييييير مش واخد باله أو عارف بس متكاسل عن التطوير ليه و فى الآخر يقول هو انا ليه ماوصلتش زى سيم من الناس و انا ليه مانجحتش زى حد عايز يخس بس هو كل يوم قاعد فى البيت و بياكل بنفس معدل الأكل و كل يوم يقول أنا بكرة هالعب رياضة طيب بسيطة ما تلعب إنت معاك الحل ..........

أولا : خلى عندك هدف مكتوب 

ثانيا: خلى فى وقت فى يومك لقراءة الموضوعات اللى تهمك 

ثالثا : إتعلم حاجه جديدة فى مجالك كل يوم 

رابعا : ابدأ حاجة صغيرة و خلصها بسرعه مثال كتاب صغير تقرأه أو 10 دقائق تمرين دلوقت دا هيديك حافز قوى علشان تعمل 

خامسا : إتفرج على فيديوهات محفزة فى اى مجال تحبه مثال الرياضة 

سادسا : وقف عاده سيئة و خد قرارك دلوقت هتحس بالفرق و هتديك دافع قوى جدا للتغيير مثال الإقلاع عن التدخين أو تقليل السكر

مثال : مندوب المبيعات اللى بيحلم يبقى مدير مبيعات و هو مش بيتعلم طريقة الإشراف و مايعرفش حاجه عن القياده و مابيسألش إزاى يعمل تقارير و فى الآخر هو بيحلم فقط  

و دى كلها أمثلة الهدف منها إن إنت الحل لتطوير نفسك و النجاح 

متستناش حد ينجحك ................ إنت اللى هتنجح 

مندوب المبيعات

تعال نعرف أكتر عن وظيفة مندوب المبيعات
تقاريره / لمشرف المبيعات
الإشراف على : العملاء فى المناطق
الوظيفة :-
إدارة و تنظيم و السيطرة على العملاء لتحقيق الأهداف المحددة المتفق عليها من قبل المبيعات عن طريق إستخدام الأدوات المتاحة له بشكل صحيح و بكفاءة مهنية أكثر و مهنية أكثر و علاوة على توفير ميزة تنافسية
الغرض:-
تحقيق الهدف عن طريق توزيع منتظم و مستمر لتغطية مناطق العملاء عن طريق توزيع المنتجات و غيرها و مساعدة العملاء على إعادة بيعها من خلال التسعير و عرض المنتجات فى نقط بيعية قادرة على تحقيق أقصى قدر من المبيعات
المسؤوليات :-
1- الإلتزام بخط السير المكتوب يوميا
كما يتم تحديثها كلما تم فتح عملاء جدد مع تنظيم خط السير
2- تحقيق أعلى معدلات البيع من خلال نقط البيع ( عملاء المنطقة - و إمكانية التحكم فى المخزون لدى العملاء )
3- يحقق مبادىء المبيعات الأساسية
التغطية - التوزيع - الترويج - التسعير
4-بناء و إقامة علاقة جيدة و صحية مع العملاء ووضع حسن النية من جانب إكتساب إحترامهم عن طريق الفاعلية و المصداقية
5-هو المسؤول عن حل شكاوى العملاء
6-موصل سريع و دقيق لحركة السوق و المنافسين و أنشطة الشركة
7- تنفيذ و متابعة مدة السداد وفقا للإجراءات و أنظمة الشركات
8- كتابة التقارير الدورية التى تجرى على نحو سليم ووفقا للزمن المتفق عليه
9- توافر المبادرات التى تؤدى إلى تطوير الأعمال
10- حسن المظهر و الذى يمثل الشركة بصورة صحيحة
11- يبقى سيارته نظيفة فى جميع الأوقات فى الداخل و الخارج فضلا عن المنتجات المخزنة

أنبوبة المبيعات =النجاح

يعنى إيه أنبوبة المبيعات ؟؟؟؟؟

إحنا ليه بنقول أنبوبة المبيعات لأن ليها مدخلات و مخرجات يعنى إيه يعنى المفروض أى حد يشتغل فى المبيعات سواء مندوب مبيعات او تاجر أو وسيط يكون عارف أنه بيتم إدخال مجموعة من المدخلات و هى كمثال المنتج والتكلفةو السعر و التسويق و الجودة كل دى مراحل للوصول إلى مخرج الأنبوبة و هو منفذ البيع أو العملاء التى تشترى سواء السلعه أو الخدمة و يبقى فى أنبوبة تانية راجعه و هى التحصيل .
يبقى المفروض أبقى على علم بما يتم فى أنبوبة المبيعات علشان تدخل كل المدخلات بطريقة صحيحة و تخرج للعملاء
ناخد مثال
عندى منتج عايز أبيعه يبقى لازم أبقى عارف جودته - المنافسين بتوعه - أسعار المنافسه - الدعاية بتاعته - التكلفة - سعر البيع هل هو منافس ام لا - العبوة و جودتها - التوزيع - سرعة التوصيل و كيفية التحصيل و حجم المبيعات المطلوب

كل دى عمليات تتم أولا للوصول بالمنتج للعميل وكل دا يتم فى الأنبوبة و التى من ضمن مخرجاتها
1- مدير ناجح
2- تاجر شاطر
3- مكسب كبير
و كل دا يؤدى فى الأخير للنجاح المطلوب

أسئلة فى المبيعات ( الحلقة الثانية)

شوية أسئلة فى المبيعات هنقدر نعرف منها مهام مسؤول البيع إيه بالظبط و هنعرف الحل الصحيح  تعال نبدأ
1- يجب أن نلفت نظر العملاء إلى نقاط ضعف المنافسين بشكل مهذب أثناء البيع ؟
2-سوف يكون من الصعب على رجل البيع أن يتمم البيعه بنجاح إذا لم يكن متحمسا أثناء أدائه للزيارة البيعية ؟
3-أفضل رجال البيع هم الذين يقومون بتحقيق أكبر حجم بيع على المدى القصير ؟
4- عندما يطلب العملاء وقت إضافى لكى يقرر قبول العرض فإنه فى أغلب الأحوال يريد أن يدرس عروض المنافسين قبل ان يتخذ القرار ؟
5- تكوين علاقة صداقة مع العميل هو أمر يستحق التحقيق و الإهتمام لأنه يمكننا من التأثير على قراراته بشكل قوى ؟
6- أغلب قرارات العملاء بخصوص شراء منتجات هى قرارات عقلانية ؟
7- رجال المبيعات هم أهم أفراد فى الشركة لأنه بدونهم لا توجد شركة ؟
الإجابات
1- خطأ ( لأنه من الممكن أن تكون أنت أحد العاملين مع المنافس فى المستقبل - و لا تجعل العميل ينظر لعيوبك )
2- صحيحة ( لأنه بدون الحماس لا تفعل شيء)
3-خطأ (لأنه الأفضل من يقومون بالتحقيق على المدى البعيد و لهم رؤية )
4- خطأ ( لأنه من الممكن أن يطل وقت إضافة لمراجعة اعماله و فلوسه )
5- صحيحة ( لأن علاقة الصداقة تتيح المرونة فى التأثير على القرارات )
6- خطأ ( لأنه فى بعض الأحيان تكون قرارات عاطفية )
7- صحيحة ( لأن شركات المبيعات هى إسمها شركات مبيعات )

أسئلة فى المبيعات ( الحلقة الأولى )

شوية أسئلة فى المبيعات هنقدر نعرف منها مهام مسؤول البيع إيه بالظبط و هنعرف الحل الصحيح  تعال نبدأ

1- يكون رجال المبيعات أكثر نجاحا فى بيع منتجاتهم إذا أحبوا هذه المنتجات ؟

2- كلما نقوم بذكر خصائص و مواصفات المنتج الذى نبيعه للعميل كلما إزدادت فرصتنا فى إنها الصفقة بنجاح ؟

3- يعتبر السعر هو الإهتمام الرئيسى للعملاء ؟

4- يفقد العميل الثقة إذا قمنا بذكر أى عيوب للمنتج الذى نبيعه ؟

5- القدرة على الإقناع هى اهم قدرات رجل البيع و أكثرها تأثيرا على أداؤه لدوره ؟

6- يعرف العملاء ما يحتاجونه ؟

7- تعتبر اللحظات الأولى للزيارة البيعية هى أصعب اللحظات على رجل البيع ؟

الإجابة 

1- صحيحه ( لأن أى شىء يحبه الإنسان يبدع فيه )

2- خطأ ( لأنه تختلف البيعه من مستهلك لعميل لو مستهلك هيبقى عايز الخصائص مقابل السعر و لو تاجرهيهتم بالفائدة فقط و هى الربح )

3- خطأ (لأن التاجر يهتم أكثر بالربح و يعتبر السعر من مؤثرات البيع للمستهلك ) )

4- خطأ (  طبعا لا يفقد الثقة لأنه هيثق أكثر فى مصداقيتك معه)

5- خطأ ( لأنها ليست الأهم فمهم أيضا التخطيط قبل البيع مما يسهل عملية البيع )

6- خطأ ( لأنه لو يعرف العملاء كل مايحتاجونه فلا دور للمبيعات لأن الدور هنا هو التعريف بالإحتياجات و خلق احتياجات جديدة لا يعرفها )

7- صحيحة ( لأن الإنطباعات الأوليه تدوم )

المبيعات مابتكدبش

المبيعات وظيفة التحدى المستمر و مابتكدبش علشان المبيعات تتعامل مع الأرقام و الأرقام ماتكدبش لأن الفكرة لو تم البيع الأرقام هتزيد و لو لم يتم البيع الأرقام ثابته أو بتنقص علشان  كده
مندوب المبيعات فى تحد مستمر ................ليه

لأنه ...
البائع هو الوحيد القادر على ترجمة أهدافه لأرقام محققة
البائع الفعال هو الذى يعمل جرد لنقاط قوته و ضعفه بإستمرار ( بعد كل مقابلة إن أمكن ) ( يوميا) ( كل أسبوع ) ( شهريا)
و لكن يجب أن يكون عنده الشجاعه اللازمة للتقييم
 طيب إيه الأرقام فى حياة مندوب المبيعات
1- الهدف الشهرى
2- المخزون ( أعداد السلعه )
3- لو بيقدم خدمة لازم يزود عدد مستخدمى الخدمة
4- الفواتير
5- نسبة النمو فى المبيعات
6- اللى عدى من الوقت مقابل التحقيق
7- المحقق اليومى و الأسبوعى و الشهرى
8- نسبة مبيعات المنافسة
9- عدد العملاء
10 -عدد المنافسين
11- العملاء الجدد
12- الأرباح
13- الخسائر
14- المرتجعات

كل دى أرقام فى حياة مسؤول المبيعات تبدأ من اول الشهر و تصل إلى القمة فى نهاية الشهر ليبدأ من جديد
أرقام و تحديات دائمة

مؤهلات مندوب المبيعات ( يلا مبيعات )

فى 3 نقاط مهمه يجب توافرها فى كل مسؤول مبيعات و التى يتم تقييمه عليها و التى يتوقف نجاحه فى عمله عليها مش كده و بس دا كمان المفروض كل فترة يتم قياس مدى نجاحه فى ال 3 نقاط ولو تم النقص فى أى نقطه يقوم مديره بتدريبه عليها

1- المعرفة :-

المنتجات و مميزاتها و فوائدها 

إحتياجات العملاء 

طبيعة السوق 

أساليب العمل فى المبيعات 

سياسة الشركة 

2- المهارة 

مبادىء البيع 

خطوات الزيارة البيعية 

أسلوب البيع المقنع 

إستقبال و نقل المعلومات 

معالجة الإعتراضات 

3- السلوك 

الإصرار و التصميم 

المبادرة 

تنظيم الوقت ووضع الأولويات 

و المقالة القادمة هنتكلم عن كيفية قياس هذه النقاط لدى مندوبى المبيعات و التدريب عليها